Ina da kwarin giwa kan nasarar Lobi Stars  inji Dr. Sam Ode

Daga Zubairu Lawal

Yace; Ina da kwarin giwa kungiyar Lobi Stars zatayi Nasara a wasan da zata fafata da kungiyar Abia warriors.

Mataimakin Gwamnan jihar Benue Dr. Sam Ode yace; Kungiyar Lobi Stars tana taka mahimmiyar rawa a gasar da take fafatawa a sauran wasannin da take bugawa a gasar NPFL.

Dr. Sam Ode ya bayyana hakane a lokacin da ya ziyarci filin wasa na jihar Nasarawa dake Bukan-Sidi a garin Lafia, inda kungiyar Lobi Stars ke buga wasa a matsayin gida.

Yace kwalaye biyu da kungiyar Lobi Stars ta jefa a ragar kungiyar Abia warriors Babban nasarane.

Mataimakin Gwamnan jihar Benue Dr Sam Ode ya jajantawa al’umman jihar Benue dangane da asarar rayukan da ya faru a ranar Juma’a a karamar hukumar Oturko, bayan yan fashi sun afkawa al’umma a bankuna.

Shima mai horar da yan wasa na kungiyar Lobi Stars Eugene Agagbe ya nuna jin dadinsa da nasarar da kungiyarsa ta samu.

Yace; kungiyar zata cigaba da samun nasara a gasar NPFL. Kuma yana fatan samun nasarar daukar Kofi a gasar.

Mai horar da yan wasa kungiyar Lobi Stars ya godewa al’umman jihar Nasarawa da suke basu goyon baya a duk lokacin da suke buga wasa.

Wasan da aka fafata a ranar Lahadi kungiyar Lobi Stars ta samu nasara kan kungiyar Abia warriors da ci biyu da nema.